Almatyda bos oryndar jármeńkesi ótti

Sharany Almaty qalalyq Memlekettik qyzmet isteri jáne sybaılas jemqorlyqqa qarsy is-qımyl agenttigi men Medeý aýdandyq ákimdigi apparaty uıymdastyrdy.

Shara barysynda halyqqa memlekettik qyzmetti paıdalaný, elektrondy úkimet arqyly qyzmet kórsetýdiń artyqshylyqtary túsindirildi.

Kelgen azamattar jergilikti atqarý organy ókilderiniń, memlekettik organdardyń óńirlik bólimshelerinen keńes aldy.

Aıta ketý kerek, Almatyda 48 memlekettik organ 353 qyzmet túrin kórsetedi.

Búginde memlekettik korporatsııa men elektrondy úkimet portaly arqyly barlyq memlekettik qyzmettiń 60 %-y júzege asyrylady.

Jármeńkege 23 memlekettik organ, 4 úkimettik emes uıym, «Atameken» UQK, «Damý» AQ ókilderi qatysty.

2359 adam memlekettik qyzmet týraly maǵlumat bilýge kelse, 350 adam bos oryndar jármeńkesine qatysty. Olardyń ishinde 56 adamdy Almaty qalalyq Jumyspen qamtý ortalyǵy jumysqa turǵyzý máselesin qarastyryp jatyr.

 Azamattarǵa túsinikti bolý úshin memlekettik organ ókilderi aqparattyq beınerolıkter, paraqshalar daıyndady.

Jármeńke barysynda kelýshilerdiń barlyǵy 15 mınýt ishinde elektrondy tsıfrlyq qoltańba aldy. Bul óz kezeginde  azamattardyń úıinde otyryp aq memlekettik qyzmet alýǵa múmkindigin arttyrdy.

Kóbinese jınalǵan halyq azamattyq hal aktilerin tirkeý, onlaın rejimde qyzmet alý, jer ýchaskelerin tirkeý, sottalmaǵandyǵy týraly anyqtama alý, baspanaǵa kezek sanyn bilý máseleleri jaıly surady.

Aıta ketý kerek, mundaı jármeńkeler Alataý, Jetisý aýdandarynda ótkizý josparlanyp otyr.