Almatyda «Bos oryndar jármeńkesi-2011» ótip jatyr
ALMATY. 7 sáýir. QazAqparat /Ádilet Musahaev/ - Almatydaǵy T.Rysqulov atyndaǵy Qazaq ekonomıkalyq ýnıversıtetinde «PERSONA GRATA» kompanııasynyń uıymdastyrýymen «Bos oryndar jármeńkesi-2011» ótip jatyr.
Atalǵan sharaǵa Petrofac Engineering & Construction, Halliburton International Inc., Lloyd's Register Kazakhstan LLP, Samek International, PSN KazStroy, TOTAL E&P Kazakhstan, Carsberg, Coca-Cola, Qazkommertsbank, Eýrazııalyq bank, ProstoKredıt syndy 15 jýyq tanymal kompanııalar qatysyp, jas mamandarmen qarym-qatynas ornatýda.
"Biz bos oryndar jármeńkesin IT, ekonomıst, munaı-gaz ben ınjenerıng salasy syndy úsh mamandyqtyń baǵyty boıynsha ótkizýdemiz. Bizdiń kompanııa tek jármeńkelerdi ǵana ótkizip qoımaı, jas mamandardyń jumysqa ornalasýy men kóptegen trenıngter ótkizýmen aınalysamyz", - deıdi «PERSONA GRATA» kompanııasynyń dırektorynyń orynbasary Dılfýza Nurseıitova.
Sondaı-aq ol jármeńkege qatysyp jatqan kompanııalar Almatynyń QazEÝ, QBTÝ, QazUTÝ, QazUÝ syndy eń jetekshi joǵary oqý oryndarynyń stýdentterine qyzyǵýshylyq tanytatyndyǵyn atap ótti. "Kompanııalar qoıǵan talaptarǵa saı keletin stýdentter jumysqa turyp, keıbiri tájirıbeden ótýge joldama alyp jatady. Bul jas mamandardyń elimizge tanymal óndiris oryndarymen baılanys ornatyp, jumysqa ornalasýynyń jaqsy múmkindigi dep oılaımyn", - deıdi «PERSONA GRATA» kompanııasy dırektorynyń orynbasary.
