Almatyda boryshkerlerdiń kólikteri ustala bastady
ASTANA. QazAqparat - Almatyda avtokólik quraldary boıynsha salyq bereshegin óndirip alý maqsatynda Almaty qalasy polıtsııa departamentimen jáne jeke sot oryndaýshylarynyń óńirlik palatasymen birlesip «Boryshker» jedel-aldyn alý is - sharasy ótkizilýde,-dep habarlaıdy Almaty qalasy boıynsha Memlekettik kirister departamentiniń baspasóz qyzmeti.
Jeke sot oryndaýshylarynyń (JSO) qaýlysy bar boryshkerlerdiń avtomobılderi «Sergek» kameralarynyń kómegimen anyqtalady jáne bereshek tolyq ótelgenge deıin aıyppul turaǵyna qamalady.
Búgingi tańda kólik quraldaryna salynatyn salyq boıynsha bereshek 4,9 mlrd. teńgeni quraıdy. Bereshektiń negizgi bóligi qozǵaltqyshtyń úlken kólemi 4000 tekshe sm-den asatyn avtokólikterge tıesili.
Bir apta ishinde jıyrmadan astam kólik, sonyń ishinde Porshe cayenne, Toyota Land Cruiser, Mercedes-Benz E-klasty jáne t. b. aıyppul turaǵyna qamaldy.
Almaty qalasy boıynsha MKD avtokólik ıelerin aıyppul turaǵyna qamaýdy jáne sot oryndaýshylarynyń qyzmetterine aqy tóleý boıynsha jaısyz jaǵdaılardy boldyrmaý úshin jaqyn arada salyq bereshegin óteýge shaqyrady.
Salyq bereshegin MKK «E-Salyq-Azamat» mobıldi qosymshasynyń kómegimen jáne óz betinshe www.kgd.kz ınternet-resýrsta, sondaı-aq ekinshi deńgeıdegi bankterdiń mobıldi qosymshasynda tekserýge bolady.
Bul baǵyttaǵy jumys jalǵasýda.
