Almatyda boryshkerler tizimin dálizge ilip qoıǵan PIK jazalandy
«Kooperatıv 2018 jyldyń naýryzynan bastap podezderde páter ıeleriniń úıdi jóndeýge, ustaýǵa jumsalatyn shyǵyndaryn jazǵan. Sonymen qatar, qaǵazda páter ıeleriniń aty-jóni, mekenjaıy kórsetilgen. Sot qaýlysymen zań buzýshy QR ÁqbK 79-babynyń 2-bólimimen ákimshilik jazaǵa tartyldy. Oǵan 180 375 teńge aıyppul salyndy», - dedi qalalyq prokýratýranyń baspasóz qyzmetinen.
Almaty qalalyq sotynyń apellıatsııalyq kollegııasy sot sheshimin ózgerissiz qaldyrdy.
Qalalyq prokýratýra QR Jeke málimetter jáne olardy qorǵaý týraly Zańyna sáıkes jeke málimetter jeke tulǵanyń ruqsatymen ǵana jarııalanatynyn eskertedi. Bul málimetterdi tek qana sot sheshimimen quqyq qorǵaý organdary kótere alady.
Atalǵan zań normalary buzylǵan jaǵdaıda adam 5 jylǵa deıin bas bostandyǵynan aırylýy múmkin.