Almatyda «Boryshker» jedel-profılaktıkalyq is-sharasy bastaldy
ALMATY. QazAqparat - Almaty polıtsııa departamenti «Nóldik tózimdilik» qaǵıdatyn qalyptastyryp, ákimshilik aıyppuldardy óndirip alýdyń tıimdiligin arttyrý úshin 5 tamyzdan 7 tamyzǵa deıin Jetisý aýdanynda «Boryshker» jedel-profılaktıkalyq is-sharasyn ótkizedi, dep habarlaıdy QazAqparat tilshisi.
«Іs-shara Almaty qalasynyń Jetisý aýdanynyń aýmaǵynda ótedi. Polıtsııa qyzmetkerleri elektrondyq planshetter arqyly, ákimshilik aıyppuldar boıynsha boryshkerlerdi anyqtaıdy. Sharaǵa ákimshilik polıtsııanyń mamandandyrylǵan batalony, jol-patrýldik polıtsııasy jáne jergilikti polıtsııasynyń avtoekıpajy jumyldyryldy. Sonymen qatar, joldyń keıbir ýchaskelerinde ákimshilik aıyppuldary bar boryshkerlerdi avtomatty túrde anyqtaıtyn »POTOK-M« mobıldi kesheni ornatyldy», - deıdi Jetisý aýdandyq polıtsııa basqarmasynyń Darhan Musanov
Almatylyq polıtsııa, júrgizýshilerdi ákimshilik aıyppuldaryn ýaqtyly tóleýge shaqyrady.
«Aıyppuldardy mynandaı ádispen tekserip jáne tóleı alasyz: egov.kz elektrondyq úkimet portaly arqyly, ekinshi deńgeıli bankterdiń kassalarynda jáne bankterdiń ınternet-saıtynda. Sondaı-aq,aıyppuldy smartfonǵa júktelgen ekinshi deńgeıli bankterdiń qosymshalary arqyly tóleýge bolady», - dedi Darhan Musanov.
