Almatyda boryshker ákelerdi jumyspen qamtyp jatyr

ALMATY. QazAqparat- Almatyda alıment tóleı almaı júrgen azamattar jumysqa tartylyp jatyr. Bul týraly Óńirlik kommýnıkatsııalar qyzmetinde ótken baspasóz máslıhatynda qalalyq Ádilet departamentiniń basshysy Abaı Arap málim etti, dep habarlaıdy QazAqparat tilshisi.

Spıkerdiń sózinshe, alıment boıynsha sot sheshimin oryndaý qıyndyq týǵyzýda. Onyń birqatar sebebi bar. Mysaly, boryshkerdiń qolma-qol aqshasynyń bolmaýy, jaýapkerdiń turǵylyqty jerin belgilemeý, turaqty jumys ornynyń bolmaýy, óndirip alýǵa bolatyn múlik jáne taǵy basqa.

Aıtýynsha, jumys istemeıtin boryshkerlerdi jumysqa ornalastyrý úshin departament jumyspen qamtý ortalyǵymen birlesip ózara is-qımyl týraly memorandýmǵa qol qoıdy.

«2022 jyly alıment boıynsha boryshkerler úshin respýblıkalyq BAQ-tyń qatysýymen 4 bos oryndar jármeńkesi ótkizildi, oǵan 320 jumys ornyna ashyq bos jumys oryndary bar 15-ten astam iri kompanııa shaqyryldy. Jumys ártúrli baǵyttar boıynsha usynyldy, sonyń ishinde esepshi, ekonomıst, kúzetshi, júrgizýshi, qurylysshy jáne jalaqysy 150 myń teńgeden asatyn basqa da kásipter bar. Jalpy, qala turǵyndaryn jumysqa ornalastyrý úshin shamamen 2,2 mlrd teńge bólindi», - dep atap ótti Abaı Arap.

Nátıjıesinde, 2022 jyly 83 boryshker áke turaqty jumysqa ornalasty.