Almatyda Bolon úderisiniń negizgi ólshemderine joǵary oqý oryndarynyń beıimdelýi týraly jazǵy mektep ótýde
ALMATY. 2 shilde. QazAqparat - Búgin Almatyda Tempýs baǵdarlamasy aıasynda «Bolon úderisiniń negizgi talaptaryna Qazaqstannyń joǵary oqý oryndarynyń beıimdelýi» degen taqyryppen jazǵy mektep óz jumysyn bastady.
Turar Rysqulov atyndaǵy Qazaq ekonomıka ýnıversıtetinde ótip jatqan bul shara 5 shildege deıin sozylmaq.
Onyń maqsaty - tájirıbelik-baǵdarlyq dárister negizinde Bolon úderisiniń negizgi quramdaryna beıimdelýge baılanysty máseleni sheshýde qatysýshylardyń bilimi men daǵdysyn júıelendirý. Onda «Josparlaý jáne oqytý nátıjelerine qol jetkizý», «Joǵary bilim sapasy kepildigi júıesin qalyptastyrý», «Eýropalyq úlgidegi dıplom qosymshasy», «Joǵary oqý oryndary qyzmetin strategııalyq josparlaý» degen bólimder boıynsha dárister men trenıngter júredi.
Jazǵy mektep jumysyna 25 jetekshi joǵary oqý ornynyń oqý úderisin josparlaý men uıymdastyrýǵa jáne bilim sapasyna monıtorıng jasaýǵa jaýapty bólimsheleriniń jetekshileri, sondaı-aq Bilim jáne ǵylym mınıstrliginiń Ulttyq akkredıtatsııalaý ortalyǵynyń ókilderi qatysýda. Bilim berý aıaqtalǵan soń olarǵa Tempýs baǵdarlamasynyń ulttyq keńsesi men T. Rysqulov atyndaǵy Qazaq ekonomıka ýnıversıtetiniń birlesken sertıfıkattary berilmek.
