Almatyda bolǵan jer silkinisiniń ary qaraı kúsheıý yqtımaldylyǵy tym tómen - Seısmıkalyq ınstıtýt dırektory
ALMATY. 31 mamyr. QazAqparat - Astana ýaqyty boıynsha túngi saǵat 3.20-da bolǵan jer silkinisiniń oshaǵy - Almatydan 150 shaqyrym jerdegi Kókpek kenti mańy.
Onda zilzalanyń kúshi 6-7, al Almatyda 4 ball boldy. Seısmıkalyq ınstıtýt dırektory Tańatqan Abaqanov osylaı málim etti.
«Bul jer silkinisiniń magnıtýdasy 5,7-5,9 ball boldy. Oshaǵynyń tereńdigi 12-158 shaqyrym shamasynda. Jalpy aıta ketetinimiz, bul jer silkinisi kúshti dep aıtýǵa bolmaıdy. Bizdiń orta merzimdi boljaýymyz boıynsha mundaı jer silkinisteri Almatynyń tóńireginde bolyp turýǵa tıis. Al úı qırap, adam ómirine zaqym keletindeı qýatty jer silkinisteri bolý yqtımaldyǵy óte tómen», - deıdi T. Abaqanov.
