Almatyda bolǵan órt saldarynan ájesi men nemeresi zardap shekti
ASTANA. 17 naýryz. QazAqparat - 16 naýryz kúni saǵat 21:07-de Almatynyń Medeý aýdanyndaǵy Lesokovskıı kóshesinde ornalasqan jeke turǵyn úı órtene bastady. Bul týraly QR TJM-niń baspasóz qyzmetinen habarlaıdy.
Órt saǵat 21:26-da aýyzdyqtalyp, 22:10-da óshirildi. Ony sóndirýge QR TJM Almaty oblysy boıynsha TJD-niń órt sóndirý qyzmeti jeke quramynyń 7 adamy men 2 tehnıka birligi jumyldyryldy.
Jalyn tili 15 sharshy metr aýmaqty sharpydy. Oqıǵa ornynan termııalyq kúıik alǵan qart áıel men 7 jasar bala aýrýhanaǵa jetkizildi.
