Almatyda bolǵan órt saldarynan 50 jastaǵy er adam qaza tapty
ASTANA. Qyrkúıektiń 6-sy. QazAqparat - Jeksenbi, qyrkúıektiń 5-i kúni Almatyda bolǵan órt saldarynan 50 jastaǵy er adam qaza tapty, dep habarlaıdy QR Tótenshe jaǵdaılar mınıstrliginiń baspasóz qyzmeti.
Tótenshe oqıǵa Túrksib aýdanyndaǵy 5 qabatty úıde oryn alǵan. Tilsiz jaýdyń aýmaǵy 50 sharshy metrdi aldy. Jalyndy toqtatý barysynda er adamnyń denesi tabyldy.
Órt QR TJM Almaty qalasy, tótenshe jaǵdaılar departamentiniń jeke quramyndaǵy 17 adamy men 6 dana tehnıkasynyń arqasynda sóndirildi.
