Almatyda bolǵan daýyl men quıyn saldarynan adamdar zardap shegip, úılerdi sý basty - QR TJM
ANA. 18 mamyr. QazAqparat - Almatyda bolǵan daýyl men quıyn saldarynan adamdar qaza taýyp, úılerdi sý basty,
dep habarlaıdy QR Tótenshe jaǵdaılar mınıstrliginiń baspasóz qyzmeti.
«17 mamyr kúni saǵat 19.31-de Almaty aýmaǵynda jańbyr men burshaq jaýyp, sekýndyna 10-13 metr jel turdy», - delingen habarlamada.
Almatyda bolǵan daýyl saldarynan 33 aǵash, bir qorshaý qulap, 22 úıdi sý basqan, 31 jerde elektr jelileri úzilgen, dep tolyqtyrdy TJM-de.
Aýa raıynyń kúrt buzylýynan Medeý aýdanynda tótenshe oqıǵa boldy, qaza tapqandar bar.
«Almaty-Medeý avtojolynyń aýdanynda ekologııalyq post pen «Beladjıno» meıramhanasynyń arasynda jazǵy demalys shatyryna aǵash qulap, 1987 jyly týylǵan er adam qaza tapty, 1989 jyly týylǵan boıjetken 12 qalalyq aýrýhana jetkizildi», - delingen habarlamady.
Medeýge barar jolda avtokólik qozǵalysyna shekteý qoıyldy. «Qolda bar aqparatqa súıensek, Gornoı kóshesiniń boıyndaǵy «Samal» meıramhanasynyń aýdanynda 84 aǵash opyrylyp qıraǵan», - dep aqparattandyrdy TJM.
Tótenshe jaǵdaıdy joıýǵa 216 adam, 81 tehnıka, sonyń ishinde Almaty qalasy TJD-niń jeke quramyndaǵy 93 qyzmetkeri men 15 tehnıkasy jumyldyryldy.
