Almatyda Bolat Aıýhanovtyń jańajyldyq balet keshi bolady
ALMATY. 20 jeltoqsan. QazAqparat /Názıra Eleýhan/ - Almatyda 27 jeltoqsan kúni Qazaqtyń Abaı atyndaǵy memlekettik opera jáne balet teatrynda QR halyq ártisi Bolat Aıýhanovtyń jańajyldyq «Úlken balet keshi» ótedi.
QR Mádenıet mınıstrliginiń qoldaýymen ótetin keshte balet óneriniń maıtalmany, Memlekettik jáne táýelsiz «Tarlan» syılyqtarynyń laýreaty, Halyqaralyq Sokrat syılyǵynyń ıegeri, halyqaralyq Aqparattandyrý akademııasynyń akademıgi Bolat Aıýhanov basqaratyn Memlekettik akademııalyq Bı teatry óner kórsetedi.
Ónersúıer kópshiliktiń nazaryna Teofılıa Goteniń ańyzy boıynsha daıyndalǵan «Gizelle aux Willis» (Jızel, nemese Vıllısy) baleti men Morıs Raveldiń mýzykasyna qoıylǵan «Bolero - Solo» horeografııalyq qoıylymy usynylatyn bolady. Qoıylymdarǵa halyqaralyq baıqaýlardyń laýreattary, Anglııa, Túrkııa, Shotlandııa, Shveıtsarııa, Reseı elderinde úlken jetistikpen óner kórsetip júrgen Aıtolqyn Turǵynbaeva, ıÝlııa Moıseeva, Gýlfıda Ǵafýrova, Svetlana Kokshınova syndy sheberler jáne taǵy da basqa ártister qatysady.
«Balet óneri túsine bilgenge ónerlerdiń ishindegi eń ulysy bop tabylady. Náziktik pen ádemiliktiń sımvoly ispetti bul joǵary óner túrin alamatylyqtar men qala qonaqtaryna usyný bul keshtiń negizgi maqsaty»,-deıdi balet óneriniń maıtalmany Bolat Aıýhanov.
Bul ujymnyń 45-shi maýsymy.
