Almatyda Bolat Aıýhanovtyń shyǵarmashylyq keshi ótti
ASTANA. QazAqparat - Jambyl atyndaǵy Qazaq memlekettik fılarmonııasynyń sahnasynda sulýlyq pen sezim úılesim tapty, dep habarlady 24.kz.
Onda Bolat Aıýhanov basqaratyn Memlekettik akademııalyq bı teatry óner kórsetti. Teatrdyń 48-maýsymy balet óneriniń sheberi Bolat Aıýhanovtyń shyǵarmashylyq keshimen ashyldy. Shara Qazaqstan Respýblıkasynyń halyq ártisi, «Qurmet» belgisiniń ıegeri, «Altyn adam» syılyǵynyń laýreaty, bı ónerine óshpes iz qaldyryp kele jatqan Bolat Aıýhanovtyń týylǵan kúnine oraı uıymdastyryldy.
