Almatyda «Bolashaq» stıpendıattarynyń forýmy ótti

Іs-sharaǵa «Bolashaq» baǵdarlamasynyń túlekteri, «Bolashaq» Qaýymdystyǵy Keńesi tóraǵasynyń orynbasary, «Kazkommertsbank» AQ Basqarýshy dırektory Maǵjan Áýezov, «Business Media Group» Bas dırektory Arman Ydyrysov, «Kazteleradıo» AQ tóraǵasynyń 1-shi orynbasary Azat Mashabaev, «Sberbank» AQ tóraǵasynyń orynbasary Shýhrat Sadyrov, ákimdik janyndaǵy jastar saıasaty isiniń basqarma bastyǵy Bahtııar Maken jáne basqalar qatysty.

Bolashaqtyqtar ózderin kásibı biliktiligi jaǵynan ǵana kórsetip qoımaı, sondaı-aq, belsendi túrde óz azamattyq oı-pikirlerin bildirip, is júzinde qoǵamnyń damýyna, otandyq úkimettik emes sektordyń qalyptasýyna, qazaqstandyq jastardyń boıynda Otanǵa degen súıispenshilik sezimin qalyptastyrýǵa qatysýda. Elbasynyń saıasatynyń arqasynda memlekette Qazaqstannyń bolashaǵy bolyp tabylatyn jastardyń úılesimdi tárbıelenýi úshin barlyq jaǵdaı jasalǵan.

Forým sheńberinde qazirgi eńbek naryǵyndaǵy ahýal boıynsha ár túrli semınarlar, trenıngter jáne dárister ótkizildi. «KPMG» tekserý bóliminiń menedjeri Elena Averına, «Deloıtt» basqarý seriktesi Darrel Hedeýeı, «Eýrazııalyq bank» AQ bas dırektory Gúlnár Mýsına jáne bıznestiń basqa da ókilderi bolashaqtyqtarmen, qazaqstandyq oqý oryndaryn bitirýshi túlektermen jáne túrli saladaǵy mamandarmen óz tájirıbelerimen bólisip, oı qozǵap, ózara pikir almasty.

Sonymen qatar, jastardy jumyspen qamtý, jumysqa beıimdeý máseleleri de qaraldy. Qarjylyq ınstıtýttar men iri qazaqstandyq kompanııalardyń basshylary qatysqan bos qyzmet oryndary jármeńkesinde shet elde, elimizde bedeli bar joǵary oqý oryndarynyń túlekteri jumysqa ornalasý men elimizdegi qazirgi eńbek naryǵyndaǵy jaǵdaı týraly aqparat ala aldy.

Osydan 17 jyl buryn ashylǵan prezıdenttik «Bolashaq» stıpendııasynyń túlekteriniń sany búgingi tańda 3,5 myńnan asady. Olar elimizdiń jeke sektorynda, ulttyq kompanııalar men memlekettiń úlesi bar kompanııalarda, memlekettik qyzmet pen memlekettik mekemelerde eńbek etýde.

Bul forýmda «Bolashaq» Qaýymdastyǵy birneshe uıymdarmen, túlekterdi jumysqa ornalastyrý jaıynda «Yntymaqtastyq jóninde memorandýmǵa» qol qoıdy.