Almatyda bolashaq kóshbasshylarynyń ІІІ sammıti ótti
ALMATY. QazAqparat - Ál-Farabı atyndaǵy QazUÝ-daǵy BUU-nyń «Akademııalyq yqpal» baǵdarlamasy jahandyq habynda «Turaqty damýdyń maqsattaryn onjyldyq jumys sheńberinde júzege asyrýdaǵy jastardyń róli» atty bolashaq kóshbasshylarynyń ІІІ Sammıti ótti, dep habarlaıdy QazAqparat.
Halyqaralyq «Bolashaq kóshbasshylarynyń Sammıti-2021. Aqyl alańy» – Almatydaǵy BUU ókildigindegi Aqparattyq ortalyǵynyń, QR SІM ókildiliginiń, «Helping Hand» halyqaralyq uıymynyń, sondaı-aq Qazaqstanda tirkelgen sheteldik dıplomatııalyq ókildikter men halyqaralyq uıymdardyń belsendi qoldaýymen QazUÝ janyndaǵy Pan Gı Mýn atyndaǵy turaqty damý ınstıtýty jáne Birikken Ulttar Uıymynyń «Jańa Jibek joly» modeliniń hatshylyǵy uıymdastyrdy.
Sammıt ál-Farabı atyndaǵy QazUÝ ǵylymı-ınnovatsııalyq qyzmetter jónindegi prorektor, professor T.S.Ramazanovtyń quttyqtaý sózimen ashyldy. Іs-shara barysynda QR SІM kópjaqty yntymaqtastyq basqarmasynyń bastyǵy Dıdar Temenov, BUU Qazaqstandaǵy Jahandyq kommýnıkatsııa departamentiniń ókili Vlastımıl Samek, BUU Úndistandaǵy ókili, UNITLABS baǵdarlamalarynyń aǵa úılestirýshisi Radjıv Gýlatı, Venadaǵy Jahandyq azamattyq ortalyǵy baǵdarlamalarynyń úılestirýshisi Djýlııa Tsımmerman, MDP Global Classroom baǵdarlamasynyń eks-dırektory R.Abazov jáne taǵy da basqalary sammıtti uıymdastyrýshylarǵa jáne qonaqtarǵa jyly lebizderin bildirip, tilekterin aıtty.
Onlaın-sammıt: «Covid-19 pandemııasyna qarsy ımmýndaý», «Sapaly onlaın-bilim berý», «Genderlik teńdik jáne áıelder quqyqtary men múmkindikterin keńeıtý», «COVID-19 ekonomıkanyń jańarýyna áseri» jáne «onlaın-arandatýlardy boldyrmaý» baǵyttaryndaǵy ózekti máseleler boıynsha kóptegen elderdiń 100-den astam jas lıderlerin jınady. Shara barysynda «Oılaý-dızaın» ádistemesi boıynsha stýdentter men álemdik sarapshylar pikir almasyp, oılaryn ortaǵa saldy. Forým ozyq oılarymen, tájirıbelerimen, syndarly is-qımyl josparlarymen jáne jobalarymen bólisetin jastardyń bastaryn quryp, biriktirdi.
Esterińizge sala keteıik, ál-Farabı atyndaǵy QazUÝ BUU-nyń «Akademııalyq yqpal» baǵdarlamasyna aldymen múshe bolyp kirdi, sodan keıin onyń álemdegi on jahandyq habynyń biri boldy jáne kóptegen halyqaralyq alańdarda BUU-nyń jahandyq bastamalary men Turaqty damý maqsattaryn iske asyrýǵa aıtarlyqtaı úlesin qosty. Ýnıversıtet bul qurmetti jáne jaýapty mártebeni 2014 jyldan bastap saqtap keledi. BUU 8-shi Bas Hatshysynyń tikeleı qatysýymen QazUÝ-de Pan Gı Mýn atyndaǵy Turaqty damý ınstıtýty qurylyp, oıdaǵydaı jumys isteýde.
