13:54, 13 Qazan 2021 | GMT +6
Almatyda bolashaq kásipkerler men ınvestorlar úshin ortaq alań jasalýda
ALMATY. QazAqparat - Qala ákimi Baqytjan Saǵyntaev MOST IT hub Almaty bıznes-ınkýbatory men akseleratorynyń qurylys barysymen tanysty, dep habarlaıdy QazAqparat tilshisi.
«Almatyda jalpy aýdany 3 myń sharshy metr bolatyn Hodjanov kóshesi, 2/2 ǵımaratynda kásipkerlerge arnalǵan úı-jaı daıyndalýda. Osyǵan oraı, 430 jańa jumys ornyn ashý josparlanǵan», - dep jazdy B. Saǵyntaev Instagram-daǵy óz paraqshasynda.
MOST IT Hub Almaty kásibin jańa bastaıtyn kásipkerler men ınvestorlardyń múddelerin biriktirip, bıznes-ıdeıalardy iske asyrýdyń zamanaýı alańyna aınalmaq dep kútilýde.
«Startaperler úshin ıdeıadan venchýrlik ınvestıtsııalarǵa deıingi jobalardy ázirleýge múmkindik beretin qolaıly ekojúıe jasalyp jatyr», - dedi qala basshysy.
