Almatyda «Bolashaq baspager-redaktor» baıqaýy ótedi
ALMATY. Naýryzdyń 25-i. QazAqparat /Ádilet Musahaev/ - Aǵymdaǵy jyldyń 25-shi naýryzynda Ál-Farabı atyndaǵy QazUÝ jýrnalıstıka fakýltetiniń uıymdastyrýymen respýblıkada tuńǵysh ret «Bolashaq baspager-redaktor» baıqaýy ótedi,
dep habarlaıdy QazAqparat.
Baıqaýdyń negizgi maqsaty - mektep oqýshylaryna kásibı baǵdar berý, baspa isi jónindegi túsinik-tanymyn keńeıtý, kitap daıyndaý, shyǵarý, taratý kásibine baýlý, baspa bıznesimen aınalysýǵa jol ashý jáne jas mamandardyń qyzyǵýshylyǵyn oıatý.
Baıqaý sharttary boıynsha oǵan mektep pen kolledjderde oqıtyn barlyq oqýshylar qatysa alady.
Qatysýshylar shyǵarmashylyq, bezendirý, redaktorlyq-korrektorlyq synaq boıynsha jarysqa túsetin bolady.
