Almatyda bokstan KSRO sport sheberi A. Tshanovtyń júldesine arnalǵan halyqaralyq týrnır bastaldy

Bul sporttyq shara QR Táýelsizdiginiń 25 jyldyǵyna arnalyp otyr. Respýblıkalyq sport kolledjinde bıyl tórtinshi ret ótip jatqan bul týrnırge Qazaqstannyń oblystyq qurama komandalarymen qatar, Reseı, Mońǵolııa, Qyrǵyzstan, Ózbekstan jáne Tájikstan elderiniń jastar quramasy jáne Respýblıkalyq sport kolledjiniń komandasy qatysýda.

Jarystyń saltanatty ashylý rásimi barysynda grek-rım kúresinen Máskeý Olımpıadasynyń chempıony Jaqsylyq Úshkempirov, grek-rım kúresinen Seýl Olımpıadasynyń kúmis júldegeri Dáýlet Turlyhanov, Almaty qalalyq Dene shynyqtyrý jáne sport basqarmasy bastyǵynyń orynbasary Rústem Baıseıitov sóz sóılep, Amalbek Qozybaqulyna densaýlyq tilep, mynadaı qıyn kezeńge qaramastan jarys ótkizip jatqanyna rızashylyqtaryn bildirip, boksshylarǵa sáttilik tiledi.

Jýrnalısterge bergen suhbatynda Respýblıkalyq sport kolledjiniń dırektory Amalbek Tshanov týrnırdi uıymdastyrýdaǵy maqsat-mindetter jaıynda áńgimeledi.

«Týrnırdi uıymdastyrýdaǵy maqsat - qazaq boksyn odan ári damytý. Jas boksshylardyń sheberlikterin arttyrý. Tek jattyǵý jasaýdan eshteńe shyqpaıdy. Boksshylar osyndaı jarystarda shynyǵady, tájirıbe jınaqtaıdy. Eger boksshylarymyz myqty bolsa, mundaı týrnırlerge shet memleketter de myqty boksshylaryn jiberedi. Búgingi týrnırge barlyǵy 10 salmaq dárejesi boıynsha 110 sportshy qatysyp jatyr. Týrnırdiń sapasyn arttyrý maqsatynda ár oblystan keletin komandalar quramyna shekteý qoıdyq. ıAǵnı, ár oblys óziniń qalaǵan salmaq dárejeleri boıynsha 6 boksshy ǵana jibere alady», - dedi A. Tshanov.

Sonymen qatar, Amalbek Qozybaquly bul halyqaralyq týrnırdiń bıyl tuńǵysh ret resmı túrde «sport sheberi» ataǵyn bere alatyn respýblıkalyq jarystardyń kúntizbegine engizilgendigin jetkizdi.

«Buǵan deıin boksshylarǵa «sport sheberi» mártebesin bir týrnırdi jeńse, bere beretin. Endi olaı bolmaıdy. Qazir elimizde jastar arasynda ótkiziletin 3-4 resmı týrnır bar. Búgingi týrnır sol jarystardyń qataryna endi. Endi, sol týrnırlerge qatysyp, jeńiske jetip, belgili bir upaı sanyna qol jetkizgen boksshylarǵa ǵana «sport sheberi» ataǵy beriletin boldy. Men bul jańa erejeni tolyq qoldaımyn. Sonda jastar munyń jaı berile salatyn ataq emestigin, bul úshin aıanbaı ter tógý kerektigin túsinetin bolady. Sáıkesinshe, sheberlikteri de artady. Bir sózben aıtqanda, bokstyń deńgeıin barynsha kóterýimiz qajet. Óıtkeni boks, Qazaqstannyń ulttyq sport túrleriniń birine aınalǵan óner», - dedi A. Tshanov.

Aıta ketelik, týrnır bes kúnge sozylady. Fınaldyq saıystar 29 sáýir kúni kúndizgi saǵat 12.00-de Respýblıkalyq kolledjdiń sport kesheninde bastalady. Jeńimpazdar, dıplomdarmen jáne estelik syılyqtarmen marapattalady.