Almatyda bokstan QR Prezıdentiniń kýbogy úshin ІІІ Halyqaralyq týrnır bastaldy
ALMATY. 1 mamyr. QazAqparat - Bokstan eresekter arasynda QR Prezıdenti úshin ótetin halyqaralyq týrnır endi jyl saıyn uıymdastyrylatyn boldy.
Bul jaıly búgin Almatyda óz jalaýyn kótergen ІІІ Halyqaralyq týrnırdiń baspasóz máslıhatynda aıtyldy.
«QR Prezıdentiniń kýbogy úshin eki jylda bir ret ótetin bul halyqaralyq týrnır buǵan deıin 2006, 2010 jyldary Astana qalasynda bolǵan edi. Bıyl ol 1-6 mamyr kúnderi Almatydaǵy Balýan Sholaq atyndaǵy sport saraıynda ótetin boldy. Onyń basty ereksheligi, London Olımpıadasy qarsańynda uıymdastyrylýy bolyp otyr. Bul baıraqty básekege QR Ulttyq quramasy men Almaty qalasy jeke komandamen qatysady», - deıdi QR Boks federatsııasynyń jattyqtyrýshylar shtabymen jumys jónindegi vıtse-prezıdenti ıÝrıı Tshaı. Onyń aıtýynsha, HHH Jazǵy Olımpıada oıyndaryna ulttyq quramany bas bapker retinde Myrzaǵalı Aıtjanov tuńǵysh ret bastap barǵaly otyr. Bylǵary qolǵap sheberleri el qorjynyna altyn medal salady degen úkili úmit bar. Qazir Qazaqstanda boks óziniń damý satysyndaǵy jańa ósý kezeńinde tur.
