Almatyda bokstan QR Chempıonaty aıasyndaǵy jarystar jalǵasýda
ALMATY. 16 aqpan. QazAqparat /Názıra Eleýhan/ - Almatyda Balýan Sholaq atyndaǵy sport saraıynda bokstan QR Chempıonaty aıasynda 1/8 fınaldyq oıyndary aıaqtaldy.
49, 56, 64 jáne 31 keli salmaq dárejesindegi bylǵary qolǵap sheberleri alǵashqy jekpe-jekterin ótkizdi. Jeńil salmaqta óner kórsetken, áskerı qyzmetkerler arasyndaǵy álemdik chempıonattyń kúmis júldegeri Ilıas Súleımenov óziniń qarsylasy qostanaılyq Danııar Muǵalovty aıqyn basymdyqpen jeńdi. 56 keli salmaqta Danııar Tólegenov Qostanaı oblysynan kelgen qarsylasy Aslan Muqanovty jeńip, kelesi kezeńge ótti. Bul jarystyń esebi - 5:4. Al 64 keli keli salmaqta Danııar Eleýsinov Qaraǵandy oblysynyń boksshysyi Dýman Súleımenovty 3:2 esebimen jeńdi.
Bul kezeńde Astana quramasynyń bir boksshysy jarystan shyǵyp qaldy. 60 keli salmaqta óner kórsetetin Erjan Ómirjanov shırek fınalǵa ilinbeı qaldy. Ol Aqmola oblysynyń boksshysy Erkin Hasenovtan 7:1 esebimen utyldy.
Chempıonattyń birinshi kúni 75 keli salmaqta óner kórsetken qyzylordalyq Jasqaırat Ismaılov Dáýren Eleýsinovty 7:4 esebimen jeńdi. Ekinshi kúni sharshy alańǵa tórt salmaq boıynsha óner kórsetetin bylǵary qolǵap sheberleri shyqty. 52 keli salmaqta astanalyq Danııar Toqbaev Almaty oblysynan kelgen Sultan Týleevti 9:3 esebimen jeńdi. Sonymen qatar sharshy alańda basqa da astanalyq qolǵap sheberleri óziniń sheberlikterin jaqsy kórsetti. 69 keli salmaqta óner kórsetken eki dúrkin Azııa chempıony Baqytjan Qojabekov birinshi raýndtyń basynda-aq óziniń qarsylasy almatylyq Dııas Tastemirovti jeńdi. Al, 81 keli salmaqta óner kórsetken Madı Habıev Aqmola oblysynyń qolǵap sheberi Azamat Belgibaevti 11:2 esebimen utty.
Eń aýyr salmaqta Astana atynan shyqqan Ermek Úsenov Aqmola oblysynyń boksshysy Andreı Plahotnıýkti 11:8 esebimen jeńdi. Endi ol 91 keliden joǵary salmaqtaǵy eń myqty bylǵary qolǵap sheberi sanalatyn Rústem Іrgebaevpen synǵa túsetin bolady.
Búgin jáne erteń Almaty sharshy alańynda shırek fınaldyq oıyndar ótedi. Jartylaı fınal men aqtyq syndar 18- 20 aqpan kúnderi bolady.
Esterińizge sala ketsek, HH Qazaqstan chempıonaty 13 aqpan kúni bastaldy. Oǵan respýblıkamyzdyń ár oblysy men Almaty jáne Astana qalalarynan 160 sportshy qatysýda. Chempıonat tórt jylda bir ótetin ІІІ Jazǵy spartakıada aıasynda ótkizilýde.
