Almatyda bokstan Qazaqstan, Reseı, Úndistan jáne Frantsııa komandalary arasynda match ótedi
ALMATY. 25 qańtar. QazAqparat /Erlik Erjanuly/ - Almatyda 14-18 aqpanda «Dostyq» sport kesheninde bokstan Qazaqstan, Reseı, Úndistan jáne Frantsııa komandalary ózara kezdesedi.
Oǵan halyqaralyq dárejedegi AIBA tóreshisi Nurbek Batyrov bastaǵan qazaqstandyq qazylar tórelik jasaıdy. Básekege qatysatyn elder ulttyq quramalarynyń 1-nómirli bylǵary qolǵap sheberlerin qatystyrmaq. Olardyń arasynda Londonda ótetin Jazǵy Olımpıada oıyndaryna qatysatyn boksshylar da bar.
Myrzaǵalı Aıtjanov jattyqtyratyn Qazaqstan quramasy 10 qańtardan beri «Aqbulaqta» oqý-jattyǵý jıynyn ótkizip jatyr. Oǵan 40 boksshy qatysýda. Bul jıyn 28-qańtarǵa deıin sozylady. Odan keıin 4-13 aqpanda Almatyda Anglııa quramasymen birlesken oqý-jattyǵý jıyny ótkizilmek.
