Almatyda bokstan halyqaralyq týrnır ótedi
ALMATY. 24 maýsym. QazAqparat /Erlik Erjanuly/ - Almatyda 25-maýsymda Qazaqstan Respýblıkasy Táýelsizdiginiń 20-jyldyǵyna oraı Áýezov aýdany ákiminiń kýbogi úshin bokstan Halyqaralyq týrnır bastalady.
Ony Áýezov aýdany ákimdigi, Almaty qalalyq boks federatsııasy jáne «Karavella» sport klýby birlesip uıymdastyryp otyr. Sportshylar «Qabyrǵaǵa qabyrǵa!» qaǵıdasy boıynsha, jas ereksheligi boıynsha úsh topta 20 salmaq dárejesi boıynsha kúsh synaspaq. Atap aıtqanda 1998-1999 jyldary týǵandar - 32, 34, 36, 48; 1996-1997 jyldary týǵandar - 40, 42, 44, 48, 50, 54, 57; al 1994-1995 jyldary týǵandar - 49, 52, 56, 64, 69, 75, 81 keli salmaq dárejeleri boıynsha saıysqa túsedi.
Jalpy bul jarystyń basty maqsaty -sportty damytý, jaqyn jáne alys sheteldik qalalar arasynda dostastyq pen sport baılanystaryn nyǵaıtý, balalar men jastardy sportpen júıeli túrde shuǵyldanýǵa tartý jáne sporttyq sheberlik deńgeıin joǵarlatý bolyp tabylady. Oǵan qatysatyn qyrǵyz sportshylary búgin Almatyǵa at basyn tiremek. Uıymdastyrýshylar jeńimpaz komandalardy Áýezov aýdany ákiminiń kýbogimen, maqtaý qaǵazdarymen, medaldarmen jáne baǵaly syılyqtarmen marapattaǵaly otyr. Sondaı-aq, tehnıkasy eń úzdik jáne jeńiske degen jigerligin kórsete bilgen boksshylar arnaıy syılyqtarǵa ıe bolmaq.
