Almatyda boks kesheninde kimder óner kórsetedi

ALMATY. QazAqparat - 16 jeltoqsanda kásibı bokstan halyqaralyq «Táýelsizdik kúni» keshi ótedi. Dúbirli doda aıasynda alys jáne jaqyn shetelderden 12 boks juby rıngke shyǵady, dep habarlaıdy QazAqparat tilshisi.

Sport keshi Balýan Sholaq atyndaǵy sport saraıynda 16: 00-de bastalady.

Sporttyq is-sharanyń jetekshisi bolyp kásipqoı boksshy Vıktor Kotochıgov taǵaıyndaldy.

Ol WBC International chempıonatynda jeńil salmaqtaǵy álem chempıony ataǵyn qorǵaıdy. Ol úshin bul kezdesý mansabyndaǵy 11 kezdesý bolyp otyr. Onyń qarsylasy - tájirıbeli argentınalyq Haver Hose Klavero. Hose 32 jekpe – jekke shyqqan, 27 ret jeńip, 5 ret jeńilgen.

Sondaı - aq, jerlesimiz, Azııa chempıony jáne jasóspirimder arasyndaǵy vıtse - álem chempıony Sultan Záýrbek WBC nusqasy boıynsha jastar arasyndaǵy álem chempıony ataǵy úshin tıtýldyq jekpe - jek ótkizedi. Onyń qarsylasy qytaılyq Leshan Lı.

Jalpy, otandyq kásipqoı bokstyń namysyn Iskander Harsan (WBC jastar arasyndaǵy qurlyqaralyq jeńil salmaqtaǵy chempıon) - kamerýndyq Tomasa Essombaǵa, Nurtas Ájbenov - Fılıppındyq Leonǵa qarsy, Abaı Tólesh - chehııalyq Tomas Bezvodqa qarsy, odan bólek Raı Seıtjanov, Elshat Nyǵmetolla, Mırasalı Sársenov, Nurdos Tólebaı sııaqty ósip kele jatqan jas boksshylar qorǵaıtyn bolady.