Almatyda bógde bireýdiń kóligin urlap ketken ekeý ustaldy
ALMATY. QazAqparat - Almatyda eki er adam «Toıota Haılander» kóligin urlap minip ketken. Urylar kiltti garderobtaǵy kıimniń qaltasynan alǵan, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, Almaty turǵyny Medeý aýdany bólimshesine kóligi urlanǵany týraly aıtyp, shaǵym túsirgen.
«Boıjetken dámhanalardyń birine demalýǵa barǵan. Kıimin garderobqa ótkizgen. Garderob qyzmetkeri ekeýine áıeldiń syrt kıimin shatastyryp alyp kelgen. Olar syrt kıimniń qaltasyn tintip, kiltti alyp úlgerip, kıimdi qaıta ótkizedi. Boıjetken kóliginiń joqtyǵyn birneshe saǵattan soń ǵana bilgen. Ol ýaqytta qaskóıler qaladan shyǵyp úlgergen. Júrgizilgen jedel-izdestirý sharalary nátıjesinde kólik Qapshaǵaı qalasy mańynan tabyldy», - dedi Medeý aýdandyq ІІB basshysy Bolat Totybaev.
Birneshe saǵatan soń atalǵan iske qatysy bar degen kúdikpen eki er adam ustaldy. Olar qylmystyq jaýapqa tartylyp jatyr.
Olardyń kólikti ne maqsatpen aıdap ketkeni keıin anyqtalady.
