Almatyda BMW júrgizýshisi qorshaýǵa soǵylyp kóz jumdy
ALMATY. QazAqparat - Almatyda 29 jastaǵy BMW júrgizýshisi qorshaýǵa soǵylyp kóz jumdy, dep habarlaıdy QazAqparat tilshisi.
BMW kóligi soltústik aınalma jolymen ońtústikke baǵyt alyp bara jatqan.
Kenetten júrgizýshi kólikti basqara almaı qalyp, qorshaýdy qıratyp toqtady.
Soqqydan qorshaýdyń metal synyqtary júrgizýshiniń basyna kirip ketken.
Sonyń saldarynan júrgizýshi oqıǵa ornynda kóz jumdy.
Er adamnyń denesin shyǵaryp alý úshin Qutqarý qyzmetine qorshaýdy kesýge týra keldi.
Jol apatynyń mán jaıyn polıtsııa anyqtap jatyr.
