Almatyda BMW júrgizýshisi blokpostta turǵan polıtseıdi qaǵyp ketti
ALMATY. QazAqparat - Almatyda BMW kóliginiń júrgizýshisi blok postta turǵan polıtsııa qyzmetkerin qaǵyp ketti, dep habarlaıdy QazAqparat tilshisi.
Oqys oqıǵa búgin Medeý aýdanynda bolǵan.
«Talǵar tas jolymen kele jatqan BMW kóligi №13 blokpostta qyzmetin ótep turǵan polıtsııa qyzmetkerin soqty. Polıtsııa qyzmetkeri din aman. Kólikti tizgindegen 77 jastaǵy er adamǵa qatysty QR ÁqbK 610 babymen ákimshilik hattama toltyryldy. Bul is Medeý aýdandyq PB óndirisinde jatyr», - dedi PD baspasóz qyzmetinen.
