Almatyda BMW X5 elektr baǵanyn soǵyp qulatty
ALMATY. QazAqparat - Almatyda BMW X5 avtokóligi elektr baǵanasyn soǵyp qulatty, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Almaty qalalyq Polıtsııa departamentiniń málimetinshe, apat Naýaı men Toqtabaev kósheleriniń qıylysynda boldy.
«Búgin tańerteń saǵat 10:35- ter shamasynda Naýaı kóshesimen soltústik baǵytta kele jatqan «Toyota Land Cruiser» kóligininiń júrgizýshisi Toqtabaev kóshesimen batysqa qaraı burylǵan kezde «BMW X5» kóligimen soqtyǵysty. Qatty soqqydan ol elektr baǵanasyna soǵylyp, aryqqa túsip ketti»,- deıdi Almaty qalasy PD tergeý basqarmasynyń bastyǵy Oljas Sháripov.
Qulaǵan baǵanalardyń biri «Toyota Land Cruiser» kóligin basyp qaldy. Abyroı bolǵanda, eshkim zardap shekken joq, adamdar aman-esen. Qazir jol apatynyń mán-jaıy anyqtalyp jatyr.
