Almatyda BMW kóligi apatqa ushyrap, júrgizýshisi aýyr jaraqat aldy
ALMATY. QazAqparat – Almatyda BMW kóligi jol qorshaýyna soǵylyp, júrgizýshisi aýyr jaraqat aldy, dep habarlaıdy QazAqparat tilshisi.
Qalalyq PD baspasóz qyzmetinen habarlaǵandaı, jol apaty tańǵy 04:00 shamasynda bolǵan.
«27 jastaǵy BMW júrgizýshisi Raıymbek dańǵylymen shyǵysqa bet alyp kele jatyp, ıAasaýı kóshesimen qıylysqan jerde apatqa ushyraǵan. Júrgizýshi aýyr jaraqat alyp, №7 aýrýhanaǵa shuǵyl jetkizildi. Bul derek QR QK 345-babynyń 2-bólimimen sotqa deıingi tergeý isi reestrine tirkeldi. Jol apatynyń mán jaıy anyqtalyp jatyr», - dedi qalalyq PD anyqtaý bóliminiń basshysy Oljas Sháripov.
Qoǵamdyq densaýlyq saqtaý basqarmasynyń habarlaýynsha, er adamnyń jaǵdaıy óte múshkil bolǵan.
«Júrgizýshi esinen tanyp qalǵan. Komada jatyr. Keýde tusy soqqy alǵan. Mıy jaraqat alǵan. Sol jaq san súıegi synǵan. Qazir ol jasandy jeldetý apparatyna qosylǵan. Shoqqa qarsy terapııa jasalyp jatyr», - dedi №7 aýrýhananyń Jansaqtaý bóliminiń meńgerýshisi Esenaı Espenbetov.
