Almatyda BMW birneshe qorshaýdy qıratty
ALMATY. QazAqparat - Almatyda BMW kóligi birneshe qorshaýdy qıratty, dep habarlaıdy QazAqparat tilshisi.
Jol apaty Aınabulaq-2 shaǵynaýdanynda boldy.
Avtoturaqtyń kúzetshisi tańerteń tars etken dybysty estigen. Onyń aıtýynsha, avtoturaq qorshaýyn BMW kóligi qıratyp baryp toqtaǵan.
Nemis kóligi 3 kólikti soqqan.
Kýágerlerdiń sózine qaraǵanda, júrgizýshi kóligin mas kúıinde aıdaǵan. Keıin ol rýlde basqa bireý boldy dep jaltarǵan.
Abyroı bolǵanda, BMV jylý jelileri júrgizilip jatqan shuńqyrǵa túsip ketýge az qalǵan.
Polıtsııa bolǵan oqıǵanyń mán-jaıyn anyqtap jatyr.
