Almatyda blokposttar karantın aıaqtalǵansha alynbaıdy
ALMATY. QazAqparat - Almatyda blokposttar karantın aıaqtalǵansha turady. Bul týraly onlaın-brıfıng barysynda Almaty qalasy ákiminiń orynbasary Saparbek Tuıaqbaev aıtty, dep habarlaıdy QazAqparat tilshisi.
«Blokposttar karantın rejımi aıaqtalǵanǵa deıin alynbaıdy. ¬Óıtkeni ol karantınniń mańyzdy shartarynyń biri. Sondyqtan kásipkerlerdiń oblysta turatyn jumysshylarǵa senim artpaǵandary durys. Bul jumystarǵa ázirshe almatylyqtardy tartqandary abzal «, - dedi Saparbek Tuıaqbaev.
Sonymen qatar, ol mamandardy jedel qaıta daıarlaýdyń jańa baǵdarlamasynyń iske qosylyp jatqanyn atap ótti.
«Saýda, qyzmet kórsetý, qurylys jáne ónerkásip salalary boıynsha biz jeke kompanııalarmen birigip kadrlardy qaıta daıarlaýdy júrgizemiz. Eger mamandar jetispeýshiligine qatysty máseleler týyndasa, bizben habarlasyńyz, biz ár faktini zerttep, siz úshin kadrlardy daıyndaımyz. Qalada jumyssyz júrgender kóp «, - dep túıindedi S. Tuıaqbaev.
Onyń aıtýynsha, 394 kásiporynnyń 306-sy búgingi tańda jumys isteýge ruqsat aldy.
