Almatyda blokposttan para berip ótpekshi bolǵan adam ustaldy
ALMATY. QazAqparat – Almatydan oblysqa para berý arqyly shyǵýǵa tyrysqan 42 jastaǵy er adamdy jeke qaýipsizdik basqarmasynyń qyzmetkerleri ustady, dep habarlaıdy QazAqparat tilshisi.
«Jedel-izdestirý is-sharalary barysynda Almaty oblysynyń aýmaǵyna baqylaý-ótkizý beketinen kedergisiz ótýi úshin Medeý aýdandyq polıtsııa basqarmasynyń qyzmetkeri Sh.Aınabekovke 10 myń teńge kóleminde para bergennen keıin, sheneýnikke para berdi degen kúdikpen 1977 jyly týǵan A. esimdi er adam ustaldy. Bes myń teńgelik nomınaldar protsessýaldy tártipte tárkilenip, QR QK 367-babyna sáıkes sotqa deıingi tergeýdiń biryńǵaı tiziliminde tirkelgen qylmystyq materıaldarǵa qosyldy. Bolashaqta óndiris sybaılas jemqorlyqqa qarsy qyzmette júzege asyrylady», – dedi Almaty qalalyq PD jeke qaýipsizdik basqarmasynyń basshysy Salamat Kókrekbaev.
