Almatyda blokpostar qoıyla ma
ALMATY. QazAqparat – Almaty qalasynyń bas sanıtarlyq dárigeri Jandarbek Bekshın qalaǵa oblystan kiretinderge jáne shyǵatyndarǵa shekteý bolmaıtynyn aıtty, dep habarlaıdy QazAqparat tilshisi.
Onlaın brıfıng barysynda jýrnalıster qalada blokpostar qoıyla ma degen saýal qoıǵan bolatyn.
«Joq. Qala syrtynda blokpostar qoıylmaıdy. Turǵyndar qalaǵa, oblysqa emin erkin kirip shyǵa alady», - dedi J.Bekshın.
Aıta ketý kerek, búgin QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótkenin jazǵan edik. Onda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq jaǵdaıdy turaqtandyrý boıynsha qosymsha sharalar qaraldy.
Osyǵan baılanysty qala ákimi karantın sharalary týraly málimdeme jasaǵan edi.
