Almatyda blok beketter qaı jerlerde ornatylady
ALMATY. QazAqparat – Almatyda 19 naýryzda túngi 24:00 shamasynda karantın rejimine baılanysty blok beketter qandaı jerlerde ornalasatyny belgili boldy, dep habarlaıdy QazAqparat tilshisi.
Bul nysandar qalaǵa kireberister men 10 magıstraldy kóshede ornalasatyn boldy.
Naqty aqparatty myna jerden kórýge bolady.
Osyǵan baılanysty polıtsııa qala turǵyndaryna marshrýttaryn aldyn ala retteýdi, bılik ókilderiniń talabyna baǵynýdy, karantın talaptary men jol erejesin buzbaýdy eskertedi.
«Tótenshe jaǵdaıǵa baılanysty talaptardy buzǵan adamdarǵa 10 AEK kóleminde aıyppul salynyp nemese 15 táýlikke deıin qamaýǵa alý sııaqty ákimshilik jaza qoldanylady. Tótenshe jaǵdaı jarııalanǵan aýmaqta bılik ókiliniń talabyna baǵynbaǵandarǵa 2000 AEK mólsherinde aıyppul salynyp nemese 600 saǵatqa deıin qoǵamdyq jumysqa tartylady nemese 2 jylǵa deıin bas bostandyǵy shekteledi», - dedi qalalyq Polıtsııa departamentiniń resmı ókili Saltanat Ázirbek.
Odan bólek polıtsııa tótenshe jaǵdaı kezinde jalǵan aqparat taratqany úshin qylmystyq jaýapkershilik qarastyrylǵanyn aıtty. Jalǵan aqparat taratqan tulǵalar 3-7 jyl bas bostandyǵy shektelip nemese sol merzimge bas bostandyǵynan aırylýy múmkin.
Foto: petrotal.kz
