Almatyda blok-bekette kólik tonaǵan adam ustaldy
ALMATY. QazAqparat – Almatyda blok bekette kólik tonaýmen aınalysqan adam qolǵa tústi, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmeti habarlaǵandaı, oqıǵa Jandosov kóshesindegi blok bekette Aqjar shaǵyn aýdanynda bolǵan. 31jastaǵy er adam «SsangYong» kóliginiń ıesi alystap ketkenin baıqap, búıirdegi terezesin syndyryp, keıs, noýtbýk, zat toly sómkesin alyp ketken.
Kólik ıesi birden polıtsııaǵa shaǵymdandy.
«Kúdikti birneshe saǵat ishinde ustaldy. Zattyq aıǵaqtar qolynda bolǵan. Ony satyp úlgermegen. Qazir QR QK 188-babynyń 3-bólimimen qylmystyq is qozǵaldy», - dedi Naýryzbaı aýdandyq Polıtsııa basqarmasynyń basshysy Dıdar Ahanov.
Polıtsııa azamattardy ońaı olja izdeýshilerden barynsha abaıbolýǵa shaqyrady.
Aıta ketý kerek , búgin blok beketten tys astyrtyn joldarmen Almatyǵa kirmek bolǵan 2 adam ustaldy.
