Almatyda bıznesti qoldaýǵa 42,2 mlrd teńge bólindi – ákimdik
Qala ákimdigi taratqan málimetke qaraǵanda, bıyl memlekettik jáne óńirlik baǵdarlamalar aıasynda bıznesti qoldaýǵa 42,2 mlrd teńge bólindi. Jalpy kredıt somasy 8,3 mlrd teńgege 110-nan astam joba maquldandy.
«Qańtardaǵy tártipsizdikter barysynda zardap shekken ShOB sýbektilerine nesıe tólemderin keıinge qaldyrýǵa, iri saýda obektilerin jalǵa alýǵa jeńildikter berildi, belgili bir kezeńge kommýnaldyq jaldaý aqysy alynyp tastaldy. «Almaty Business-2025» qalalyq baǵdarlamasyna birqatar ózgerister engizildi. Zardap shekken kásipkerlerge qarjylyq qoldaý kórsetý bóliginde jyldyq 2% mólsherlememen jańa kredıttik ónim engizildi, kepilsiz kredıtteý boıynsha mólsherleme 12%-dan 9%-ǵa deıin tómendedi, Almaty Finance jáne Almaty MQU qaryz alýshylary úshin negizgi qaryzdy óteý merzimin keıinge qaldyrý jáne aıyppuldar men ósimpuldardan 180 kúnge deıin bosatý usynyldy. Atalǵan qoldaý sharalaryn iske asyrýǵa jergilikti bıýdjetten 6,3 mlrd teńge bólindi», - delingen vedomstvonyń habarlamasynda.
Almatyda áleýmettik jobalardy qoldaýǵa erekshe kóńil bólinedi. 2021-2022 jyldary «Almaty» ÁKK» AQ ınvestıtsııalar somasy – 131 mln teńge, 72 jumys ornyn quratyn 9 jobany iske asyrdy. Onda shaǵyn óndiristik parkter de belsendi damýda. Búginde 670-ten astam jumys ornyn ashqan 8 óndiristik park jumysyn bastady. Óndiristik parkterde tamaq, jeńil, jıhaz jáne qurylys ónerkásibi salalarynda 53 kásiporyn iske qosyldy. Almaty qalasynyń Indýstrıaldy aımaǵynda jalpy aýdany 76,5 myń sharshy metr taǵy 12 jańa óndiristik parktiń qurylysy júrgizilýde, 2100-den astam jumys orny ashylady. Investıtsııa somasy 8,6 mlrd teńgeni quraıdy.
«Bıznesti qoldaý jáne damytý maqsatynda «Qoldaý» kásipkerlik ortalyǵy jumys isteıdi, ol Almaty qalasyndaǵy ShOB-qa «bir tereze» qaǵıdaty boıynsha keńes beredi. Jyl basynan beri 28,3 myńnan astam keńes berildi, 500 bıznes-jospar/joba ázirlendi, 475 mln teńge somasyna qarjylandyrýǵa deıin 17 jobaǵa qoldaý kórsetildi, 219 ruqsat qujattary alyndy, 2 589 tyńdaýshy oqý kýrsynan ótti», - dedi jergilikti ákimdikten.