Almatyda bıznesmenniń ólimine qatysty degen kúdikti ustaldy
ALMATY. QazAqparat - Almatyda kásipker Evgenıı Molıbogınniń ólimine qatysty kúdikti ustaldy, dep habarlaıdy «QazAqparat» HAA tilshisi qalalyq ІІD silteme jasap.
«Almaty qalasy ІІD krımınaldy polıtsııa basqarmasy men Almaty ІІB qyzmetkerleri 2017 jyldyń 27 sáýirinen beri iz-túzsiz joǵalǵandar qatarynda bolǵan Evgenıı Molıbogındi óltirýge qatysty kúdiktini anyqtap, ustady jáne ýaqytsha ustaý oqshaýlaǵyshyna qamady», - dep habarlady Almaty ІІD resmı ókili Saltanat Ázirbek.
Ol qylmystyq istiń mán-jaıy men sebepteri anyqtalyp jatqanyn atap ótti.
Buǵan deıin áleýmettik jelilerde kásipker Evgenıı Molıbogınniń joǵalyp ketkeni týraly aqparat taraǵan edi.
