Almatyda bıznesmenderge ózin salyq qyzmetkerimin dep tanystyrǵan alaıaq ustaldy

ASTANA. QazAqparat - Almaty qalalyq MKD Іshki qaýipsizdik basqarmasynyń qyzmetkerleri jalǵan salyqshyny ustady, bul týraly vedomstvonyń baspasóz qyzmeti habarlady.

Jedel-izdestirý is-sharalary barysynda Almaty qalasyndaǵy jeke kásipkerlerdiń qarjylaryn birneshe ret jymqyrǵan Ájibekov Nurjan Shámiluly ekendigi anyqtaldy. Ol Saryaǵashta týǵan, ýaqytsha jumyssyz, buryn urlyq jáne alaıaqtyq jasaǵany úshin sottalǵan.

29 jastaǵy Ájibekov qarasha aıynan jeltoqsanǵa deıin ózin salyq organynyń qyzmetkeri retinde tanystyryp, birneshe ret alaıaqtyq jolmen aqsha alǵan. ıAǵnı, «salyq tekserisi bolmaıdy jáne bolashaqta qyzmettik jaǵynan qoldaý bildiremin» degen jalǵan sózderimen Almaty kásipkerleriniń qarjylaryn (30 myńnan 50 myńǵa deıin) ıemdengen. Sonymen qatar, bul aqshalar Almaty boıynsha MKD basshylyǵy úshin jınalyp jatqanyn aıtqan.

Qazirgi tańda osy derekter boıynsha Ájibekovtiń basqa da alaıaqtyq isterge qatysy bar-joǵyn anyqtaýǵa baǵyttalǵan izdestirý is-sharalary júrgizilýde.

Alaıaqtyń is-áreketinen zardap shegýshilerdi Almaty qalalyq MKD Іshki qaýipsizdik basqarmasyna habarlasýyn surady: Jibek joly kóshesi, 127, nemese senim telefondary: 279-29-56 jáne 8-701-555-00-90.