Almatyda bızneske kómek retinde «Kúshimiz Birlikte» – «Sıla v edınstve» qory ashyldy
Atalǵan qordy Almaty kásipkerler palatasy óńirlik keńesiniń tóraǵasy Maksım Baryshev basqarady.
«Qarjylaı qoldaý kórsetemin degen azamattar Ulttyq palatanyń sall-ortalyǵyna jáne Almaty qalasynyń óńirlik keńesine habarlasa alady. Telefondar táýlik boıy qyzmet kórsetedi:
+7778 4101758; +7775 1261839
+7777 79470077 – Baýyrjan Orazǵalıev, Almaty óńirlik kásipkerler palatasy.
Jaqynda Almaty kásipkerler palatasynyń óńirlik keńesi qazaqstandyq jer qoınaýyn paıdalanýshylar men iri kásipkerlerdi qıraǵan ShOB nysandaryn qalpyna keltirý úshin qarjylaı kómek kórsetip, áriptesterin qoldaýǵa shaqyrdy. Ulttyq kásipkerler palatasy Almaty bıznesiniń bastamasyn qoldady»,- delinedi habarlamada.
Qazir «Atameken» UKP kásipkerlerden zardap shekken nysandy foto jáne vıdeoǵa túsirýdi suraıdy. Sonda aldaǵy ýaqytta bıznesmen kómek alý úshin shyǵynyn dáleldeı alady. Sondaı-aq, ózdiginen aldyn ala shyǵyn aktin jasaý kerek.
«Kúshimiz Birlikte» – «Sıla v edınstve» qoryna túsken qarajat Almaty qalasy jáne basqa da aımaqta zardap shekken kásipkerlerge arnaıy komıssııanyń sheshiminen keıin bólinetin bolady.
«Qor qarjynyń túsýi jáne bólinýi ashyq bolatyna kepildik beredi. Barlyq qarjy operatsııasy tsıfrlandyrylady jáne jurtshylyqqa jarııalanyp otyrady.
Qordy tirkeý, esepshot ashý sekildi zańnamalyq máseleler jaqyn kúnderi sheshiledi. Qordyń jumysy jáne kómek kórsetý mehanızmin Ulttyq palatanyń baspasóz qyzmeti BAQ-qa habarlaıdy»,- dep málimdedi «Atameken» UKP baspasóz qyzmeti.