Almatyda bızneske arzan nesıe áperemin dep jurtty aldaǵan áıel ustaldy

ALMATY. QazAqparat - Polıtseıler Almatyda 48 jastaǵy alaıaqty ustady. Ol qala turǵyndaryna bıznesti jeńildikpen nesıeleýge ýáde bergen, dep habarlaıdy QazAqparat tilshisi.

«Oǵan qatysty QR QK 190-baby 3-bóligi boıynsha qylmystyq is qozǵaldy. Qazir tergeý arqyly tórt qylmystyq epızod dáleldendi. Jalpy zalaldar mıllıondap esepteledi. Alaıaq áıel aldyn ala oılastyrylǵan jospar boıynsha áreket etken. Úlken somaǵa nesıe berý syltaýymen jábirlenýshilerden qyzmeti úshin aldyn ala syıaqy alyp otyrǵan. Biraq, ýádesin oryndamaǵan. Kúdikti buryn birneshe márte sottalǵan», - dedi Almaly aýdandyq polıtsııa basqarmasynyń bastyǵy Esen Ysqaqov.

Polıtsııa qyzmetkerleri alaıaqtyń qylmystyq áreketinen zardap shekkender sany kóp bolýy múmkin ekenin aıtty.

Osyǵan baılanysty polıtsııa alaıaqty tanyǵan azamattar 8-708-707-92-02; 8-705-555-77-63; 8-775-719-27-27 telefondaryna habarlasýyn suraıdy.