Almatyda bıznes shyǵynyn 50 prokýror men 88 sot-medıtsınalyq sarapshy anyqtaıdy
ALMATY. QazAqparat - Almatyǵa jappaı tártipsizdikter kezinde zardap shekken shaǵyn jáne orta bıznes sýbektilerine keltirilgen shyǵyndy anyqtaý úshin 50 prokýror men 88 sot-medıtsınalyq sarapshy jiberildi. Bul týraly onlaın brıfıng barysynda Almaty qalalyq kásipkerler palatasynyń dırektory Aıtýar Qoshmambetov aıtty, dep habarlaıdy QazAqparat tilshisi.
«Biz bıznesi zardap shekken kásipkerlerge aıǵaqtardy anyqtaý úshin polıtsııaǵa habarlasyp, qylmys izderine tıispeýdi suradyq. Palatanyń bastamasymen 50 prokýror jáne 88 tergeýshi, krımınalıster jáne 30 sot-medıtsınalyq sarapshy, onyń ishinde keltirilgen shyǵyndy esepteý úshin qalaǵa 10 ekonomıst bólindi. Polıtsııa zardap shekken kásipkerler jábirlenýshi dep tanylǵan qylmystyq ister boıynsha sot-medıtsınalyq saraptama taǵaıyndaıdy», - dedi Aıtýar Qoshmambetov.
Sonymen qatar, ol 13 qańtardan Almaty qalalyq kásipkerler palatasynyń bazasynda kásipkerlerge arnalǵan konsýltatsııa ortalyǵy qurylǵanyn aıtty.
Atalǵan ortalyqta búgingi kúnge deıin 200-den astam kásipkerge keńes berildi.
