Almatyda bıznes ortalyqtaǵy birneshe ofıs tonaldy
ALMATY. QazAqparat - Almatyda Tóle bı - Áýezov kósheleriniń qıylysyndaǵy «Bereket» bıznes ortalyǵyndaǵy birneshe ofıske ury tústi, dep habarlaıdy QazAqparat.
Qazirgi ýaqytta polıtsııaǵa 5-9 qabattarda ornalasqan 4 ofıs ıesinen aryz túsken. Osyǵan baılanysty arnaıy top qurylǵan. Ázirge, jalpy shyǵyn somasy anyqtalǵan joq.
«Bul oqıǵa Sotqa deıingi biryńǵaı tirkeý júıesine QR QK-niń 188-baby boıynsha tirkeldi. Urlanǵan qarajattyń jalpy somasy belgisiz. Zardap shekkender joǵalǵan zattarynyń tizimin ázirlep jatyr. Tergeý barysynda qylmysty jasaǵandar men jalpy urlanǵan zattar somasy anyqtalady», - dedi Almaty ІІD-niń resmı ókili Saltanat Ázirbek.
