Almatyda bıznes-ortalyq órtenip jatyr
ALMATY. QazAqparat – Almatyda bıznes-ortalyq órtenip jatyr, dep habarlaıdy QazAqparat tilshisi.
Otqa oranǵan ǵımarattyń vıdeosy áleýmettik jelide tarady. Beınejazbada órt «Káýsar» turǵyn úı kesheninde, «Saıram» avtobeketiniń mańynda ornalasqany aıtylady.
Qalalyq Tótenshe jaǵdaılar departamentiniń baspasóz qyzmetiniń málimetinshe, órt sóndirildi. Órttiń shyǵý sebebi anyqtalyp jatyr.
«28 jeltoqsan kúni 12 saǵat 27 mınýtta órt sóndirýshiler Almaly aýdany Tóle bı kóshesi 286/4 mekenjaıynda shyqqan órtke jiberildi. 6 mınýttyń ishinde kelgende, tórt qabatty ǵımarattyń úshinshi qabatyndaǵy keńseniń janyp jatqanyn anyqtady. Gaz-tútinnen qorǵaý qyzmetiniń toby adamdardyń bar-joǵyna barlaý júrgizdi, órt oshaǵynda qalǵan adam joq bolyp shyqty. Órt sóndirýshiler 30 sharshy metrdi sharpyǵan jalyndy 15 mınýttyń ishinde (12:48-de) sóndirdi. Qaza bolǵandar men zardap shekkender joq»,- dep habarlady Tótenshe jaǵdaılar departamentinen.
