Almatyda bıznes nysandary kommýnaldyq menshikti jaldaý aqysyn tólemeıdi
ALMATY. QazAqparat – Almaty ákimdigi Memleket basshysynyń tapsyrmasyn oryndaý aıasynda shaǵyn jáne orta bıznes sýbektileriniń kommýnaldyq menshikti jalǵa alý aqysyn tóleýdi doǵara turý týraly sheshim shyǵardy, dep habarlaıdy QazAqparat tilshisi.
Qazaqstan Respýblıkasy Prezıdentiniń janyndaǵy tótenshe jaǵdaı rejımin qamtamasyz etý jónindegi memlekettik komıssııanyń hattamasy negizinde 20 naýryzdan bastap múliktik kelisimsharty bar jalǵa alýshylardyń arenda aqysy 3 aıǵa toqtatylady.
Bul múmkindik qalada jarııalanǵan tótenshe jaǵdaı rejimine baılanysty jaldaý aqysyn tóleı almaıtyn shaǵyn jáne orta kásip ıelerine berilip otyr.
Almaty ákimdigi osylaısha kásipkerlerdiń jumys oryndaryn, eńbekaqysyn tóleý múmkindigin saqtap qalmaq.
Suraqtar bolsa, + 7 (727) 390-18-30, + 7 (727) 390-18-24 telefondaryna habarlasýǵa bolady.
