Almatyda bıylǵy jyly jol apattarynyń sany azaıǵan

 Bul týraly qalalyq ІІD men taksoparkter basshylarynyń kezdesýi barysynda belgili boldy, dep habarlaıdy QazAqparat.

Jyl basynan beri qalada 2206 jol-kólik oqıǵasy bolǵan. Bul ótken jylmen salystyrǵanda 6 paıyzǵa tómen. Bul oqıǵalardyń saldarynan 152 adam qaıtys bolsa, 2435 adam jaraqat alǵan. Adam ólimi 11 paıyzǵa, jaraqat alýshylar sany 5 paıyzǵa azaıǵany baıqalady. Bunymen qatar jaıaý júrginshilerdi qaǵyp ketip, mert qylýdyń 27 oqıǵasy tirkelip, onyń 19-y ashylǵan.

Qabyldanyp jatqan sharalarǵa, túrli reıdter men saýyqtyrý sharalaryna qaramastan Almatyda jol qaýipsizdigi áli de alańdatarlyq bolyp otyr. ІІD ókilderiniń aıtýynsha, buǵan basty sebep qalada tirkelgen kólikter sanynyń artýy. Qazirgi tańda Almatyda 520 myń kólik tirkelgen.