Almatyda bıylǵy jyly jańadan 11 jekemenshik balabaqsha ashý josparlanyp otyr
ALMATY. 24 qańtar. QazAqparat /Erlik Erjanuly/ - Almatyda bıylǵy jyly 3 jekemenshik balabaqsha ashyldy.
Bul jaıly Bilim basqarmasynyń bastyǵy Rahat Seıdahmetqyzy búgin qalanyń 2010 jylǵy álemettik-ekonomıkalyq damýynyń qorytyndysyna arnalǵan májiliste aıtty.
"Almatyda 191 balabaqsha bar. Onyń 141-i - memlekettik, 50-y jekemenshik mekemeler. Onda 39626 bala tárbıelenip jatyr. Olardyń 34375-si - memlekettik, al 5251-i jekemenshik balabaqshalarda. "Balapan" baǵdarlamasy boıynsha byltyr Darhan, Dýman jáne Ulpan yqshamaýdandarynda árqaısysy 320 oryndyq 3 balabaqsha ashyldy. Bıyl Kókjıekte, Qalqaman jáne Qulager yqshamaýdandarynda jańa balabaqshalar salynyp jatyr. Byltyr 3 iri jekemenshik balabaqsha qaıtarylyp, 8 topta jańadan 200 oryn ashyldy. Jalpy byltyr 1314 oryndyq 25 jekemenshik balabaqsha ashylǵan edi. Bıyl 11 jekemenshik balabasha ashý josparlanyp otyr", deıdi Rahat Shımasheva. Bilim basqarmasy bastyǵynyń aıtýynsha, qazir 20 mekteptiń aýmaǵynda balabaqsha mekemelerin ashýdyń jobalyq qujattary daıyn. Qarjy máselesi sheshilse, olar da júzege asyryla bastaıdy. Al 2011-2013 jyldarǵa arnalǵan baǵdarlama boıynsha jańadan 42 balabaqsha ashý josparlanyp otyr.
