Almatyda bıylǵy jyldaǵy sońǵy velosherý ótti
ASTANA. QazAqparat - Búgin «Sporttyq Almaty» baǵdarlamasy aıasynda ótken jıyrmasynshy velosherýge 500-ge jýyq áýesqoılar qatysty, dep habarlaıdy QazAqparat sporttyq habqa silteme jasap.
Velosherý qatysýshylar «Nurly Taý» bıznes ortalyǵy mańynda jınalyp, 8 shaqyrym qashyqtyqty baǵyndyrdy.
Jıyrmasynshy velosherý jóndeý jumystarynan keıin ashylǵan Astana alańynda aıaqtaldy. Ádettegideı, márede qatysýshylardyń arasynda baǵaly syılyqtar men velosıped oınatyldy. Búgin onyń ıegeri Rústem Aıýpov atandy.
«Bul sharaǵa turaqty qatysamyn. Apta saıyn qala turǵyndarymen birge velosportpen aınalysamyn. Bul meniń utyp alǵan ekinshi velosıpedim. Eń basty syı maǵan buıyrǵanyna asa qýanyshtymyn. Dostarymmen birge kelip, sportpen shuǵyldanyp, jaqsy ýaqyt ótkizdik», - dep atap ótti jeńimpaz Rústem Aıýpov.
Eske sala ketsek, osy velosherý «Sporttyq Almaty» qalalyq baǵdarlamasy aıasynda 2017-shi jyly josparlanǵan 21 velosherýdiń 20 bolyp sanalady. «Sporttyq Almaty» baǵdarlamasy megapolıstegi buqaralyq sportty damytý maqsatynda júzege asyrylýda. 
Aıta keter jaıt, kelesi velosherý bul velomaýsymnyń sońǵysy. Sporttyq shara uıymdastyrýshylarynyń aıtýynsha, saltanatty jabylý rásiminde qala turǵyndarynyń basty syıdy jeńýge múmkindikteri kóbeıý túsedi. Óıtkeni, on velosıped jáne de kóptegen baǵaly syılyqtar oınatylyp, sáti túsken qatysýshylarǵa tabystalatyn bolady.
Aıta ketý kerek, 1 apta buryn qarttar kúnine oraı «Sporttyq Almaty» baǵdarlamasy aıasynda on toǵyzynshy velosherý ótken bolatyn.
Márede qatysýshylardyń arasynda baǵaly syılyqtar men velosıped oınatyldy. Basty syıdyń ıegeri Shákárim Áýbákirov atandy.
«Birinshi ret qatysyp, velosıped utqanyma sene alar emespin. Ózim velosportpen shuǵyldanamyn. Mende birneshe velosıped bar, sondyqtan syılyǵymdy óz bapkerime tabystaımyn», - dedi jeńimpaz Shákárim Áýbákirov. Uıymdastyrýshylar sport ardagerlerine qurmet kórsetip, syılyqtar tabystady.
Merekelik velosherýge Nazarbaev ıntellektýaldy mektebiniń oqýshylary da qatysty.
«Biz oqýshylarymyzdy salaýatty ómir saltyna, sportqa baýlýǵa tyrysamyz. Eko festıvalge osy sebepti qatystyq. Jalpy, qala turǵyndarynyń ekologııalyq kólik túrin qoldanǵanyn qoldaımyz. Bul festıval qala ákimdiginiń jáne birikken ulttar uıymynyń (BUU) qoldaýymen ótedi. BUU mektepterimizge jıyrma sporttyq velosıped berdi. Velosherýge birinshi ret qatysyp otyrmyz. Endi, balalarymyz apta saıyn velosportpen aınalysady degen oıdamyn», - dedi zııatkerlik mektebiniń hımııa-bılogııa baǵytynyń dırektory Gúlmıra Baqytbekqyzy.
Aıta keter jaıt, «Sporttyq Almaty» qalalyq baǵdarlamasy megapolıstegi buqaralyq sportty damytý maqsatynda júzege asyrylýda.
