Almatyda bıyl jol-kólik apattarynan 7 bala mert boldy
ALMATY. QazAqpara – Almatyda bıylǵy jyl basynan balalarǵa qatysty 680 jol apaty boldy. Saldarynan 7 bala qaza taýyp, taǵy 750-i túrli dene jaraqatyn aldy. Bul týraly Óńirlik kommýnıkatsııalar qyzmetinde ótken brıfıngide qalalyq Polıtsııa departamenti ákimshilik polıtsııa basqarmasy basshysynyń orynbasary Bolatbek Baıatanov aıtty, dep habarlaıdy QazAqparat tilshisi.
«Jyl basynan beri megapolıs kóshelerinde 3073 jol apaty tirkeldi. Saldarynan 81 adam qaza tapty. 3496 adam túrli dene jaraqatyn aldy. Qalada jol-kólik oqıǵasy 2021 jylmen salystyrǵanda 21,5 paıyzǵa kóbeıdi, onyń ishinde qaza tapqandar sany 29 paıyzǵa, zardap shekkender sany 18 paıyǵa artty»,- deıdi spıker.
Sonymen qatar ol jol apaty saldarynan kóbine balalar zardap shegip jatqanyn atap ótti.
«Bıyl jyl basynan beri balalarǵa qatysty 680 jol apaty boldy, 7 bala qaza tapty, taǵy 750-i túrli dene jaraqatyn aldy. Ókinishke oraı, barlyq pozıtsııa boıynsha ósim baıqalady», - deıdi Bolatbek Baıatanov.
