Almatyda bıyl jańadan 2400-deı úı salynady- qala ákimi
ALMATY. 25 maýsym. QazAqparat - Almatyda shilde aıynan bastap 2 qabatty eski qamys úılerdi buzý jumystary bastalady. Bul týraly qala ákimi Ahmetjan Esimov búgin buqaralyq aqparat quraldary ókilderin quttyqtaǵan kezde aıtty.
«2008-2010 jyldarǵa arnalǵan memlekettik turǵyn úı baǵdarlamasynyń qurylys jumystary byltyr tolyq aıaqtaldy. Oǵan qujat tapsyrǵandar óte kóp boldy. Sol sebepti biz ózimizdiń qalalyq baǵdarlamamyzdy ázirledik. Aǵymdaǵy jyly 2400-deı úı salynady. Bıýdjet qarjysyna salynatyn úıler bıyl 2011 jylǵy kórsetkishten 2 ese kóp bolady», - dedi A. Esimov. Qala basshysynyń aıtýynsha, endi 2 qabatty eski qamys úıler buzylady. Bul úshin aldymen ekonom synyptaǵy 4-5 qabatty úıler salamyz. Oǵan 2 qabatty eski qamys úılerdiń turǵyndaryn kóshiremiz. Ol jergilikti bıýdjet esebinen júzege asyrylady. Qalalyq bıýdjetke shyǵyn kelmeıdi. Óıtkeni onyń ornyna salynatyn úılerdegi 1-2 bólmeli páterler Turǵyn úı qurylys jınaq banki arqyly muqtaj adamdarǵa beriledi.
