Almatyda bıyl jańa elektr stantsııasy iske qosylady
ALMATY. QazAqparat – Almatyda bıyl «Nurshashqan» jáne «Qaırat» shaǵynaýdandaryn turaqty elektrmen qamtamasyz etý úshin qosalqy elektr stantsııasy iske qosylady. Bul týraly Almaty ákimi Erbolat Dosaev Túrksib aýdanynyń turǵyndarymen kezdesý kezinde aıtty, dep habarlaıdy QazAqparat tilshisi.
«Nurshashqan» jáne «Qaırat» shaǵynaýdandaryn turaqty elektrmen qamtamasyz etý úshin bıyl «Tuzdybastaý» elektr qosalqy stantsııasy paıdalanýǵa beriledi. Ol 2500-den astam abonentti qamtıdy. Qazirgi tańda podstantsııanyń ózi salynǵan, jekemenshik aýmaqtar arqyly kabel jelisin júrgizý úshin ınjenerlik dálizdi kelisý máselesi ǵana qaldy», - dedi Erbolat Dosaev.
Ol sondaı-aq bıylǵy jyldyń jeltoqsan aıynda «Álmerek», «Nurshashqan» jáne «Shýaqty» shaǵynaýdandarynda elektr berý jelilerin jańǵyrtý jumystary aıaqtalatynyn jetkizdi.
