Almatyda bıyl túlekterdi 83 kolledj qabyldaıdy
ALMATY. QazAqparat - 2022 jylǵy túlekter Almatydaǵy 83 kolledjge túse alady. Onyń 23-i memlekettik, 60-y jekemenshik. Bul týraly qalalyq bilim basqarmasy tehnıkalyq jáne kásiptik bilim berý bóliminiń basshysy Erik Ábishaev málim etti, dep habarlaıdy QazAqprat tilshisi.
Spıker eń aldymen bıýdjettik oryndar bólingen salalarǵa toqtaldy.
«Bilim - 900 oryn, óner-gýmanıtarlyq - 950 oryn, áleýmettik ǵylymdar - 25 oryn, bıznes, menedjment jáne quqyq - 1000 oryn, aqparattyq-kommýnıkatsııalyq tehnologııalar»– 2058 oryn, mashına jasaý, óńdeý ónerkásibi jáne qurylys ındýstrııasy – 6158 oryn, aýyl, orman, balyq sharýashylyǵy jáne veterınarııa – 160 oryn, densaýlyq saqtaý jáne áleýmettik qamsyzdandyrý – 1066 oryn, qyzmet kórsetý –2588 oryn», - deıdi ol.
Sonymen qatar, Erik Ábishev bıyl Almatyda 83 kolledjge túsýge bolatynyn jetkizdi.
«Onyń 23-i memlekettik, 60-y jekemenshik. Ótken jyldyń qorytyndysy boıynsha megapolıs kolledjderinde 19 230 bilikti maman daıyndalsa, onyń 10 278-i memlekettik tapsyrys boıynsha bilim aldy. Barlyq túlekterdiń jumysqa ornalasý kórsetkishi 98 paıyzdy qurady», - deıdi spıker.
